ABŞ şirkətlərinin rəhbərləri bu ilin sonuna kimi ticarət və investisiya sahəsində əməkdaşlığı müzakirə etmək üçün Türkmənistana səfər etməyi planlaşdırırlar.
Turaz.org Türkmənistan-ABŞ Biznes Şurasının icraçı direktoru Erik Stüartın nitqini aşağıda təqdim edir:
“COVİD-19 pandemiyasının səbəb olduğu səyahət məhdudiyyətləri səbəbindən ABŞ və Türkmənistan arasında işgüzar əməkdaşlığın inkişaf etdirilməsi prosesi ləngiyib. Lakin indi pandemiyanın səbəb olduğu problemləri müəyyən qədər həll etdiyimizdən, ABŞ-nin digər ölkələrə işgüzar missiyasının həyata keçirməsi məsələsi gündəlikdə ön plana çıxıb. Bu səbəbdən, Amerika şirkətlərinin rəhbərləri bu il Türkmənistana səfər etməyi planlaşdırırlar. ”
Erik Stüart həmçinin vurğulayıb ki, qarşıdan gələn səfər Amerikanın enerji, sənaye, kənd təsərrüfatı, maliyyə və turizm şirkətlərində böyük maraq doğuracaq:
“Bu, Türkmənistan və ABŞ arasında münasibətləri genişləndirmək üçün yaxşı fürsət olacaq. Biz əlaqələri daim yeniləmək və biznes imkanlarından istifadə etməyə davam etmək istəyirik”, – Stüart öz nitqini yekunlaşdırıb.
Müxbir: Aytac Cəfərov
Tərcüməçi: Günay Xankişiyev
Həmçinin bax: https://turaz.org/ozbekistan-qazaxistan-serhedinin-demarkasiyasi-ile-bagli-ortaq-raziliq-elde-olunub/
Son Xəbərlər
Ermənistanda bir qrup insan 44 günlük müharibənin nəticələrinə görə aksiya keçirir
İran bunu da etdi: Başqa dillərdən istifadə edənlər…
ÜST: “Sudanda 600-dən çox insan ölüb, 5 mindən çox insan yaralanıb”