Azərbaycan-Amerika Ticarət əlaqələrinin genişləndirilməsinə dair seminar keçiriləcək

Azərbaycan-Amerika Ticarət əlaqələrinin genişləndirilməsinə dair seminar keçiriləcək

Azərbaycan Respublikası İqtisadi İslahatların Təhlili və Kommunikasiya Mərkəzinin (İİTKM) “Azexport.az” portalı sahibkarların Azərbaycan məhsullarını Amerika bazarlarına daha rahat çıxara bilməsi məqsədilə “AmCham Azerbaijan” və Amerikanın “MİTA – Full Service Marketplace Agency” ilə birgə mərhələli seminarlar keçirəcək.
İİTKM-dən bildirilib ki, seminarlar zamanı iştirakçılarla Amerika bazarının tələblərinə uyğun olaraq bazar araşdırmasının aparılması, məhsul seçimi, bazara giriş strategiyası, logistika üzrə tərəfdaşın müəyyənləşdirilməsi, məhsulların sertifikatlaşdırılması, gömrük prosedurlarının həyata keçirilməsi, məhsulların “Amazon”, “WallMart” və digər platformalar vasitəsilə satışa çıxarılması, həmçinin Amerikada şirkətin təsis olunması, bank və vergi prosedurlarının planlaşdırılması kimi mövzularda müzakirələr aparılacaq.
Seminarlar “MicrosoftTeams” vasitəsilə sentyabrın 2, 4, 7, 9-da onlayn olaraq həyata keçiriləcək.
Ödənişsiz olaraq təşkil olunacaq seminarlar əsasən “Selling on Amazon” kitabının müəllifi, Amerikanın “MİTA – Full Service Marketplace Agency”nin təsisçisi Deniz Ölmez və “Bacak LLC”nin təsisçisi, maliyyə məsələləri üzrə ekspert Ozan Bacak tərəfindən türk dilində keçiriləcək.
Qeydiyyat linki: http://training.ereforms.org/

Mənbə: azertag.az
Müxbir: Hüseynova Jalə

Həmçinin bax:https://turaz.org/keniya-koronavirus-qadagan-saatini-daha-otuz-gun-uzatdi/

Həmçinin bax:https://www.bbc.com/azeri/azerbaijan-53814294