Azərbaycanda doğulan əkiz və üçəmlərin sayı açıqlanıb

Bu il Azərbaycanda doğulan körpələr arasında əkizlərin sayı 1726, üçəmlərin sayı isə 87 olub.

Turaz.org xəbər verir ki, bu barədə Dövlət Statistika Komitəsindən bildirilib.

Ədliyyə Nazirliyinin rayon (şəhər) qeydiyyat şöbələri tərəfindən cari ilin yanvar-iyun aylarında ölkə üzrə 61234 doğulan körpə qeydə alınıb və ötən ilin müvafiq dövrü ilə müqayisədə əhalinin hər 1000 nəfərinə bu göstərici 11,3-dən 12,3-ə qədər artıb.

Doğulanlar arasında oğlanların xüsusi çəkisi 52,7 faiz, qızların xüsusi çəkisi isə 47,3 faiz təşkil edib.