Dekabr 5, 2022

Azərbaycanla İtaliya arasında hərbi əməkdaşlıq məsələləri müzakirə olunub

İtaliyanın Venesiya şəhərində keçirilən 13-cü Trans-Regional Dəniz Gücü Simpoziumunda iştirak edən Azərbaycan Hərbi Dəniz Qüvvələri (HDQ) komandanı kontr-admiral Sübhan Bəkirov bu ölkənin Dəniz Qüvvələri komandanı admiral Enriko Kredendino ilə görüşüb.

 

Bu barədə Turaz.org-a Müdafiə Nazirliyindən məlumat verilib.

 

Azərbaycanın müdafiə naziri general-polkovnik Zakir Həsənovun salamlarını çatdıran kontr-admiral S.Bəkirov beynəlxalq Simpoziuma dəvətə görə italiyalı həmkarına təşəkkürünü bildirib.

 

Görüşdə hər iki ölkənin Hərbi Dəniz Qüvvələri arasında hərbi, hərbi təhsil və digər sahələrdə əməkdaşlığın inkişaf perspektivlərinə dair fikir mübadiləsi aparılıb, qarşılıqlı maraq doğuran bir sıra məsələlər müzakirə olunub.

 

Sonda qarşılıqlı hədiyyələr təqdim olunub, xatirə şəkili çəkdirilib.

 

Müxbir: Əzizə Əlizadə

Həmçinin bax: https://turaz.org/prezident-ilham-eliyev-rusiyaya-isguzar-sefere-gedib/

Translate »