Cənubi Koreya özbək miqrantlar üçün kvotanı artıra bilər

Seulda bu barədə Özbəkistan və Cənubi Koreyanın məşğulluq və əmək münasibətləri nazirləri arasında danışıqlar aparılıb.

Turaz.org xəbər verir ki, Koreya Respublikasında səfərdə olan Özbəkistanın məşğulluq və əmək münasibətləri naziri Nazim Hüseynov bu ölkənin məşğulluq və əmək naziri Li Junq-Sik ilə görüşüb.

Danışıqlar zamanı tərəflər tikinti və kənd təsərrüfatı işləri üçün Özbəkistandan olan əmək miqrantları üçün kvotanın artırılması məsələsini müzakirə ediblər. Bundan əlavə, Özbəkistan vətəndaşlarının Koreya Respublikasındakı şirkətlərə işə qəbulu ilə bağlı anlaşma memorandumu imzalanıb.

Müxbir: Aytac Cəfərova

Tərcüməçi: Günay Xankişiyeva

Həmçinin bax: https://turaz.org/qesm-havayolu-sirketi-ozbekistana-ucuslara-baslayacaq/