Yanvar 26, 2022

Ceyhun Bayramov: “Azərbaycanla Aİ arasında yeni saziş üzrə işlər gələn il tamamlanacaq”

Avropa İttifaqının həm ölkəmizə, həm də bölgəmizə marağının artmasını müşahidə edirik”.

Turaz.org xəbər verir ki, bunu Azərbaycanın xarici işlər naziri Ceyhun Bayramov XİN-in 2021-ci il üzrə hesabatının təqdimatında söyləyib.

“Avropa İttifaqı Şurasının Prezidenti Şarl Mişel, Avropa İttifaqı xarici işlər və təhlükəsizlik siyasəti üzrə ali nümayəndəsi Cozef Borell və bir sıra Aİ rəsmiləri ilə çoxsaylı görüşlər və təmaslar bunu deməyə əsas verir”, – nazir vurğulayıb.

Onun sözlərinə görə, Azərbaycan və Avropa İttifaqı arasında imzalanacaq yeni saziş üzrə danışıqlar aparılır: “Saziş əsasən 4 bölmədən ibarətdir. Bu siyasi təhlükəsizlik, ticarət, iqtisadi və digər hissələrdən ibarətdir. Növbəti il bu məsələ üzrə bütün işlərin tamamlanması mümkün olacaq”.

Müxbir: Əzizə Əlizadə

Translate »