DİQSİ Beynəlxalq Forum təşkil edib

DİQSİ İnsan Hüquqları, Kapitalizm və Dayanıqlı İnkişaf: Qlobal Yanaşmalar və Perspektivlər mövzusunda Beynəlxalq Forum təşkil edib.

Bir Kəmər-Bir Yol (BRİ) və Çin Araşdırmaları Mərkəzi, Dayanıqlı İnkişaf üzrə Qlobal Strateji İnstitutu (DİQSİ) və qeyri-kommersiya ictimai-siyasi ekspert-analiz mərkəzi BMT-nin İqtisadi və Sosial Mədəni Hüquqlar Komitəsinin (İSMHK) 73-cü sessiyasında İnsan Hüquqları, Kapitalizm və Davamlı İnkişaf: Qlobal Yanaşmalar və Perspektivlər mövzusunda beynəlxalq forum təşkil edib. Hibrid formatda keçirilən vebinar Çinin nəzərəçarpan inkişafını və regionda yoxsulluğun aradan qaldırılması məsələsini, insan hüquqları və inkişaf üzrə alternativ perspektivləri işıqlandırmaq məqsədi daşıyıb.

Son beş il ərzində Prezident Si Cinpinin güclü rəhbərliyi altında Çin insanların rifahını gündəlikdə prioritet məsələlər sırasına daxil etdikdən sonra innovativ, koordinasiyalı, yaşıl, açıq və müştərək inkişafa dair yeni baxışı əsas götürmüş və dünyada ilk olan milli icra planına uyğun olaraq 2030 Gündəliyini həyata keçirmək üçün hərtərəfli tədbirlər gördü. Çin qlobal icra cəhdlərini təşviq etmək üçün beynəlxalq inkişaf əməkdaşlığında da fəal iştirak edib. Çinin harmoniya daxilində birgə yaşayışda qlobal və regional rolunu nəzərə alaraq, forumda iştirak edən natiqlər Çinin perspektivlərini və Çinin sosialist bazar iqtisadiyyatına qarşı kapitalist yönümlü təbliğatını vurğulayıb.

Vebinarda Portuqaliyadan cənab Rozmel Rodriguez, Qazaxıstandan cənab Maiya Suyunçaliyeva, İtaliyadan Dr. Klaudiya Palazzo və Afrikadan cənab Yunus İbrahim Hüseyn də daxil olmaqla, tanınmış natiqlər çıxış ediblər. Portuqaliyadan olan cənab Rozmel Rodriguez (Avropa İttifaqının Siyasi Analitiki, Avropa İqlim Paktı səfiri və Qlobal Sülh və İnsan Hüquqları üzrə Avropa Komitəsinin prezidenti) Çin hökumətinin insan hüquqlarını qoruduğunu və bütün azlıqlara azadlıq təmin etdiyini vurğulayıb.

O, həmçinin Sincanda məscidlərin sökülməsi ilə bağlı Qərb dövlətlərinin yayımladığı xəbərləri təkzib edərək bildirib ki, regionda 24 minə yaxın məscid var. Bu da o deməkdir ki, hər 530 müsəlmana bir məscid düşür. O, həmçinin qeyd edib ki, Çin Sincanı beynəlxalq standartlara uyğun inkişaf etdirir və burada əmək hüquqlarına xüsusi diqqət verməklə əhalinin məşğulluq səviyyəsi xeyli artıb.

İtaliyadan olan doktor Klaudiya Palazzo (İtaliya jurnalisti, Qlobal Məsələlər üzrə Siyasi Analitik) Ana Təbiətə və əsas insan hüquqlarını qoruyan cari iqtisadi sistemin zəruriliyini vurğulayıb. Qazaxıstandan olan zati-aliləri xanım Maiya Suyunçaliyeva (İnsan Hüquqları üzrə Ekspert-Sosial Sahibkar, Beynəlxalq Ziyarətçi Liderlik Proqramı qalibi və fəlsəfə doktoru) müxtəlif beynəlxalq təşkilatların təqdim etdiyi hesabatların etibarlılığı mövzusuna diqqəti çəkərək bildirib ki, onların əksəriyyəti saxtadır və yalnız başqa
ölkələrin biznesinə zərər vurmaq məqsədi daşıyır.

Afrikadan olan cənab Yunus İbrahim Hüseyn (Seçilmiş Akademik Dünya İncəsənət və Elm Akademiyası, Kaliforniya, Amerika Birləşmiş Ştatları) Çinin beynəlxalq standartlara, qanunlara və qaydalara əməl etdiyini bildirərək Tibetdəki bəndlərin çirklənməyə səbəb olması təbliğatına qarşı çıxış edib. O, həmçinin qeyd edib ki, Çin hökuməti insan haqlarını qoruyur, mədəniyyəti və dili mühafizə edir, vətəndaşların səsvermədə və siyasətdə iştirakına icazə verir.

Natiqlər, bu ay Birləşmiş Millətlər Təşkilatının Baş Qərargahında, Cenevrədə, İsveçrədə keçirilən Birləşmiş Millətlər Təşkilatının İqtisadi və Sosial Mədəni Hüquqlar Komitəsinin (İSMHK) 73-cü sessiyası da daxil olmaqla, qlobal perspektivləri özündə birləşdirən Çinin əhalinin inkişafı və onların hüquqlarına verdiyi töhfələri iştirakçıların nəzərinə çatdırıblar. Onlar bildiriblər ki, Çin hökuməti insan hüquqlarını qoruyur, bütün azlıqlara azadlıq verir və Sincanı beynəlxalq standartlara uyğun inkişaf etdirir. Natiqlər Qərb təbliğatını və Sincandakı məscidlərin sökülməsi ilə bağlı xəbərləri həqiqəti əks etdirmədiyini bildirərək, Sincan şəhərinin Bir Kəmər-Bir Yol Təşəbbüsünün mərkəzi olduğunu qeyd ediblər.

Vebinarda çıxış edənlər Çinin dini fəaliyyətlərlə bağlı siyasətlər formalaşdırdığını və heç kimin uyğur və ya Sincan dilini öyrənməsinə mane olmadığını da qeyd ediblər. Onlar eləcə də Çinin Tibetin kənd təsərrüfatı, təhsil və iqtisadiyyat sahələrindəki inkişafını və Çin hökumətinin “Bir kəmər, bir yol” təşəbbüsü sayəsində məşğulluq imkanlarını artırdığını bildiriblər. Natiqlər Çinin dini proqrama nəzarət etməsi əleyhinə təbliğatı və Tibetdəki bəndlərin çirklənməyə səbəb olması iddiasını rədd edərək, Çinin beynəlxalq standartlara, qanunlara və qaydalara əməl etməsi məsələsinə öz çıxışlarında yer veriblər.

Natiqlər qeyd ediblər ki, Çin yoxsulluğa qarşı öncədən planlaşdırıldığı kimi mübarizə aparır, hazırkı yoxsulluq həddinin altında yaşayan 98,99 milyon kənd sakini üçün yoxsulluğa son verir və DİM 1-in hədəflərini vaxtından on il əvvəl yerinə yetirir. Çin bu nailiyyətlərə əsaslanaraq, kənd təsərrüfatı və kənd yerlərinin inkişafını prioritet hesab edir və kənd yerlərinin təkmilləşdirilməsi strategiyasını hərtərəfli şəkildə həyata keçirir.

Natiqlər vebinarda Çin Kommunist Partiyasının güclü rəhbərliyinə, Çində sosializmin üstünlüklərinə, Çinin islahatları dərinləşdirmək və açıqlıq siyasətini genişləndirmək sahəsindəki hərtərəfli səyinə və Çində yaşayan bütün etnik qruplardan olan xalqların birgə səylərində əsas rolu oynayan Çinin 2030-cu il Gündəliyinin həyata keçirilməsində əldə etdiyi əlamətdar nailiyyətlər məsələsinə də toxunublar.

Sonda beynəlxalq forumda Çinin töhfələrini vurğulayaraq və Çinə qarşı Qərb təbliğatından imtina edərək insan hüquqları və inkişafa alternativ perspektiv təqdim edilib. Forumun məqsədi diqqəti reallıqlara cəlb etmək və “Amnesty International” kimi qlobal kapitalist yönümlü təşkilatların birtərəfli böhtan təbliğatına qarşı çıxmaq idi. Çin heç kimi və heç bir ölkəni geridə qoymamaq üçün siyasi iradəni möhkəmləndirmək, inkişafı gündəlikdə prioritet etmək, icra vasitələrini gücləndirmək, birgə tədbirlər görmək və inkişaf etməkdə olan ölkələrin qarşılaşdığı çətinlikləri həll etmək üçün digər ölkələrlə işləməyə hazırdır.

Vebinar iştirakçılarından DİQSİ əməkdaşı Dr. Məhəmməd Şakel Əhməd salamlama nitqi ilə çıxış etmiş və Məryəm Axtar tədbirə moderatorluq edib.