Oktyabr 21, 2021

Doktoranturaya xarici dil üzrə qəbul imtahanının nəticələri haqqında elektron arayışların verilməsi haqqında

2020-ci il yanvarın 26-da doktoranturaya xarici dil üzrə qəbul imtahanında 35 və ya daha yüksək bal toplamış və doktoranturaya və ya dissertanturaya qəbul olunmuş iddiaçıların nəzərinə!

Azərbaycan Respublikasının Prezidenti yanında Ali Attestasiya Komissiyası Rəyasət Heyətinin 29 sentyabr 2020-ci il tarixli qərarı ilə təsdiq edilmiş, 29.01.2021-ci il tarixli qərarı ilə əlavə və dəyişikliklər edilmiş ”Fəlsəfə doktoru imtahanlarının keçirilmə Qaydası”na əsasən, doktoranturaya qəbul zamanı xarici dil üzrə fəlsəfə doktoru imtahanı üçün müəyyən edilən keçid balını (35 və ya daha yüksək bal) toplamış iddiaçılar dissertasiyalarını həmin imtahanı verdikləri tarixdən beş il müddətində ilkin müzakirəyə təqdim etdikləri təqdirdə xarici dil üzrə fəlsəfə doktoru imtahanından azad olunurlar. Hazırda doktorantura və ya dissertanturada təhsil alan, 2020-ci il yanvarın 26-da DİM tərəfindən ilk dəfə keçirilən doktoranturaya 2019-2020-ci tədris ili üçün xarici dil üzrə qəbul imtahanında 35 və ya daha yüksək bal toplayaraq uğur qazanmış iddiaçılar xarici dil üzrə qəbul imtahanının nəticələrinə dair QR‑kodlu elektron arayış əldə edə bilərlər. Arayışları DİM-in internet saytında aşağıdakı linkdən şəxsi kabinetin istifadəçi adı (FİN) və parolunu müvafiq sahələrə daxil etməklə əldə etmək mümkündür:

eservices.dim.gov.az/ERIZEDOK/ARAYIS/Account/Login?erizeid=ZiSo79IR1F4%3D

Əvvəllər məlumat verdiyimiz kimi, 2021-ci ilin 14 fevral tarixində 2020-2021-ci tədris ili və 2021-ci il iyunun 20-də 2021-2022-ci tədris ili üçün doktoranturaya xarici dil üzrə qəbul imtahanlarında 35 və ya daha yüksək bal toplayaraq uğur qazanmış iddiaçılar da xarici dil üzrə qəbul imtahanının nəticələrinə dair QR‑kodlu elektron arayışları həmin linkdən əldə edə bilərsiniz.

 

Müxbir: Nağızadə Ayşən 

Həmçinin bax: turaz.org/rusiyanin-herbi-gemileri-baki-limanini-terk-edib/

Həmçinin bax: tehsilim.org/xaricde-doktoranturaya-indiden-hazirlas/

Translate »