Sentyabr 30, 2022

Əvəzlənən smart-kart tipli sayğaclardakı 1 milyon manatadək avans yeni sayğacların bazasına köçürülüb

Əvəzlənən smart-kart tipli sayğaclardakı 1 milyon manatadək avans yeni sayğacların bazasına köçürülüb

Əvəzlənən smart-kart tipli sayğaclardakı 1 milyon manata yaxın avans vəsait yeni sayğacların bazasına köçürülüb.
“Azəriqaz” İstehsalat Birliyinin İctimaiyyətlə əlaqələr şöbəsindən bildirilib ki, Azərbaycanda bu ildən etibarən bütün fərdi yaşayış evlərində (yeni inşa olunan çoxmərtəbəli binalar istisna olmaqla) dövri yoxlama müddəti bitmiş smart-kart tipli sayğaclar mexaniki sayğaclarla əvəzlənir. Bu proses zamanı abonentləri daha çox narahat edən məqamlardan biri də əvəzlənən smart-kart tipli sayğacların balansında qalan avans məbləğin yeni quraşdırılan mexaniki tipli sayğacın bazasına yerləşdirilməsidir. Bu avans məbləğ 2 fərqli baza arasında məlumat mübadiləsi aparılmaqla azı 10, maksimum 30 günə yeni sayğacın hesabında qeydiyyata alınır. 2020-ci ilin 7 ayı ərzində 53 min 270 abonentin 913 min 624 manat avans məbləği yeni quraşdırılan sayğacın bazasına qaytarılıb.

Bu statistikadan 40 min 946 abonent və onların geri qaytarılan 697 min 262 manat avans məbləği təkcə Bakı şəhərinin payına düşür. Əlbəttə ölkəmizdə yayılmış koronavirus (COVID-19) pandemiyası ilə bağlı sərt karantin rejimi tətbiq olunan bəzi vaxtlarda bu prosesdə gecikmələr olub. Lakin daha sonra yol verilən nöqsanlar dərhal aradan qaldırılıb.


Xatırladaq ki, sayğacların əvəzlənməsi Antiinhisar və İstehlak Bazarına Nəzarət Dövlət Xidmətinin 2015-ci ildə təsdiq etdiyi “Yoxlamaya təqdim olunacaq ölçmə və sınaq vasitələrinin nomenklatur siyahısı və onların yoxlama dövriliyi” sənədinə əsasən icra olunur. Sənəddə göstərilir ki, qaz sayğacları əhali abonent qrupunda 5 il, qeyri-əhali abonent qrupunda isə 3 ildən bir dövlət yoxlanışına təqdim olunur. Tərtib edilmiş siyahıya görə 2020-ci ildə 480 min sayğacın dövlət yoxlanışı icra edilməlidir.

Mənbə: azertag.az
Müxbir: turaz.org xüsusi müxbiri Hüseynova Jalə

Həmçinin baxhttps://turaz.org/koreya-ve-azerbaycanin-ali-tehsil-muessiseleri-arasinda-ikili-diplom-proqrami-uzre-telebe-qebulu/

Həmçinin baxhttps://kafkazh.com/piramidalar_-oyredilenler-ve-gizledilenler/

Translate »