İyul 4, 2022

Kəlbəcərdə şəhid olan zabitin nəşi ailəsinə təhvil verilib

Kəlbəcər rayonunun Alagöllər sahəsində hava şəraitinin qəfil dəyişməsi və çovğun səbəbindən itkin düşəndən üç gün sonra meyiti tapılan şəhid baş leytenant Fuad Bağırovun nəşi Şirvan şəhərinə gətirilib.

Turaz.org-un “Report”-a istinadən verdiyi məlumata görə, şəhidin üçrəngli bayrağa bükülmüş tabutu bu gün ailəsinə təhvil verilib.

Hazırda şəhidlə vida mərasimi keçirilir.

Mərasim başa çatandan sonra mərhum Şirvan şəhər Şəhidlər xiyabanında torpağa tapşırılacaq.

Qeyd edək ki, F.Bağırov ailəsi ilə birlikdə Gəncə şəhərində yaşayıb. Ailəli idi, bir oğlan və bir qız yadigarı qalıb.

Xatırladaq ki, baş leytenant Fuad Bağırov 3 noyabr 1991-ci ildə Şirvan şəhərində doğulub. 2009-2013-cü illərdə H. Əliyev adına Ali Hərbi məktəbdə təhsil alib. Rabitəçi ixtisasına yiyələnib.

Yanvarın 29-da 3 hərbçi yoldaşı ilə birlikdə Kəlbəcər rayonunun Alagöllər sahəsində hava şəraitinin qəfil dəyişməsi və çovğun olması səbəbindən ərazidə istiqaməti itirərək azıb. Aparılan axtarışlar zamanı həmin gün kiçik çavuş Hüseynov Cavid Rauf oğlu, əsgər Hüseynov Maşallah Rövşən oğlu və əsgər Kərimov Yasin Yavər oğlu sağ tapılıb, hərbi hospitala yerləşdirilib. Davam edən axtarışlar zamanı baş leytenant F.Bağırovun nəşi ötən gün tapılıb.

Allah rəhmət eləsin!

Müxbir: Əzizə Əlizadə

Həmçinin bax: https://turaz.org/azal-bakidan-aktauya-ucuslara-baslayir/

Translate »