Noyabr 29, 2022

Krım körpüsündə yanğın başlayıb, hərəkət dayandırılıb.

Krım körpüsündə yanacaq çəni yanıb, oradakı nəqliyyatın hərəkəti dayandırılıb.

 

Turaz.org Rusiya KİV-ə istinadən xəbər verir ki, bu barədə “Taman” yol idarəsi məlumat verib.

 

Krımın fövqəladə hallar xidmətinin məlumatına görə, körpüdə qatarların hərəkəti də dayandırılıb.

 

“Naviqasiya tağlarına ziyan dəyməyib. Səbəb və nəticələr barədə danışmaq tezdir. Hazırda yanğının söndürülməsi istiqamətində işlər aparılır”, – yerli orqanlardan bildiriblər.

 

Qeyd edək ki, Krım körpüsü Rusiyanın ən uzun körpüsüdür, uzunluğu 19 kilometrdir. Körpü Rusiya ilə Ukraynanın işğal altındakı Krım yarımadasını birləşdirir. Avtomobil hissəsi 2018-ci ilin may ayında istismara verilib. 2019-cu ilin dekabrında isə onun dəmir yolu hissəsi ilə ilk qatarlar hərəkət etməyə başlayıb.

 

Müxbir: Əzizə Əlizadə

Həmçinin bax: https://turaz.org/prezident-ilham-eliyevin-rusiyaya-isguzar-seferi-basa-catib/

Translate »