Oktyabr 2, 2022

MN: “Laçın şəhəri, Zabux və Susda mühəndis işləri görülür”

 

Laçın şəhəri, Zabux və Sus kəndlərində mühəndis işləri görülür.

Turaz.org xəbər verir ki, bu barədə Müdafiə Nazirliyinin yaydığı məlumatda bildirilib.

“Hazırda qeyd olunan ərazilərdə bölmələrimizin yeni dislokasiya məntəqələrinə yerləşdirilməsi, həmçinin zəruri mühəndis işlərinin görülməsi istiqamətində fəaliyyətlər davam etdirilir”, – məlumatda bildirilib.

Qeyd edək ki, bu gün Prezident İlham Əliyev tviter səhifəsində Azərbaycan Ordusunun Laçın şəhərində yerləşməsi ilə bağlı paylaşım edib. Ali Baş Komandan avqustun 26-da azərbaycanlıların Laçın şəhərinə qayıtdığının, Laçın şəhərinin, Zabux və Sus kəndlərinin nəzarətə götürüldüyünün müjdəsini verib. Bununla bağlı bütün laçınlıları və Azərbaycan xalqını təbrik edib.

Laçın şəhərində Azərbaycanın Dövlət Bayrağı ucaldılıb.

Müxbir: Əzizə Əlizadə

Translate »