Noyabr 28, 2021

Neft ehtiyatlarının azalması qiymətin artmasına səbəb olub

Neft ehtiyatlarının azalması haqqında informasiya dünya bazarlarında neftin bahalaşmasına səbəb olub.

Turaz.org “Prime” agentliyinə istinadən xəbər verir ki, Bakı vaxtı ilə 08.42-yə olan məlumata görə, Şimal dənizində hasil olunan “Brent” neftinin yanvar fyuçersləri 0,79% bahalaşaraq, 1 bareli 85,31 ABŞ dollarına satılıb. WTI neftinin dekabr fyuçerslərinin qiyməti də 0,98% bahalaşaraq, 1 bareli 84,58 ABŞ dolları təşkil edib.

“Baker Hughes”un məlumatları neft hasilatının potensial azalmasından xəbər verir. Buna, bu həftə ABŞ-da aktiv neft buruqlarının sayının 2 ədəd azalaraq, 443-ə düşməsi səbəb olub.

“Brent” markalı neftin qiymətinin artmasına səbəb olan digər bir amil Səudiyyə Ərəbistanının pandemiyanın tələb üçün yaratdığı təhlükəni nəzərə alaraq, OPEC+ alyansının xammalın qlobal tədarükünün idarə edilməsinə ehtiyatlı yanaşmaqda davam etməli olduğunu bəyan etməsidir.

Müxbir: Əzizə Əlizadə

Translate »