Neft korreksiya çərçivəsində ucuzlaşıb

Ötən həftə əhəmiyyətli dərəcədə yüksələn neft qiymətlərində korreksiya çərçivəsində eniş qeydə alınıb.

Turaz.org birjalara istinadən xəbər verir ki, Şimal dənizində hasil olunan “Brent” neftinin mart fyuçersləri 0,62 % ucuzlaşaraq 1 bareli 84,75 ABŞ dollarına satılıb. WTI neftinin mart fyuçerslərinin qiyməti isə 0,86 % düşüb və 1 bareli 79,42 ABŞ dolları təşkil edib.

Çində koronavirus məhdudiyyətlərinin yumşaldılmasından sonra “qara qızıl”a tələbatın artacağı ilə bağlı gözləntilər ötən həftə bu xammalın 8 %-dən çox bahalaşmasına səbəb olub.

Bu həftə isə investorların diqqəti Neft İxrac Edən Ölkələr Birliyinin (OPEC) və Beynəlxalq Enerji Agentliyinin (BEA) açıqlayacağı hesabatlara yönələcək.

Müxbir: Əzizə Əlizadə

Həmçinin bax: https://turaz.org/milli-meclisin-yaz-sessiyasinin-ilk-plenar-iclasinin-vaxti-melum-olub-2/