Nigeriyada silahlı şəxslər müsəlman məktəbindən uşaqları qaçırır

Silahlı şəxslər Niger əyalətində şagirdləri qaçırırlar.

Turaz.org BBC.com-a istinadən xəbər verir ki, Nigeriya rəsmiləri silahlı şəxslərin Nigeriyadakı bir İslam məktəbindən bir çox tələbəni qaçırdıqlarını söyləyib.

Niger əyalətinin səlahiyyətliləri BBC-yə silahlı şəxslərin bazar günü Tegina qəsəbəsindəki məktəbdən naməlum sayda şagirdi ələ keçirdiyini təsdiqləyiblər.

Bir müəllim BBC-yə 150 ​​şagirdin itkin düşdüyünü, digər məlumatlarda isə bu rəqəmin təxminən 200 olduğunu bildirib.

Fidyə üçün aparılan qaçırmalar şimali əyalətlərdə getdikcə daha çox yayılmışdır.

Fevral ayında Zamfara əyalətinin Jangebe şəhərində bir internat məktəbindən 300-ə yaxın qız silahlı kişilər tərəfindən aparıldı. Əksəriyyəti daha sonra azad edildi.

Nigeriyada məktəblilər niyə qaçırılır?

Son hadisədə, bu gün xəbər saytından sitat gətirən şahidlər motosikl sürən silahlıların qəsəbəyə hücum etdiklərini və ayrı-seçkilik etmədən atəş açdıqlarını söylədi. İnsanlar qaçarkən təcavüzkarlar İslam məktəbinə gedərək uşaqları ələ keçiibi. Məktəbdə altı yaşdan 18 yaşa qədər oğlan və qızlar iştirak edir.

Səlahiyyətlilər, hücum zamanı iki nəfərin vurulduğunu və bir nəfərin öldüyünü söyləyib. Avtomobildə gedən bir çox insanın da qaçırıldığı bildirilir.

BBC Nigeriya müxbiri Mayeni Jones, fidyə üçün qaçırılmanın son aylarda Nigeriya arasında daha çox yayıldığını söyləyib.

Teginadakı hücum qonşu Kaduna əyalətindəki bir universitetdən qaçırılan 14 nəfərin sərbəst buraxılmasından bir gün sonra baş verir.

Tegina, Fevral ayında 27 tələbənin qaçırıldığı Kagara mahalından da uzaq deyil.

Müxbirimiz bildirir ki, dekabr ayından bəri Nigeriyanın şimal-qərbində və mərkəzində ən az altı tələbə qaçırma olub və 800-dən çox tələbə və işçi qaçırılıb.

2014-cü ildə İslamçı xadimlər Boko Haram tərəfindən şimal-şərqdəki Çibok qəsəbəsində 276 məktəbli qızın qaçırılması qlobal diqqəti Nigeriyadakı məktəblərə edilən basqın bəlasına yönəltdi, lakin son hücumların cinayətkar qrupların işi olduğu şübhə altındadır.

Tərcüməçi: Ayşən Məmmədova