Sentyabr 30, 2022

Nur-Sultanda COVID-19-un yayılması ilə əlaqədar məhdudiyyətlər qoyulub

Qazaxıstanın paytaxtı Nur-Sultan şəhərinin hakimiyyəti iyulun 23-də koronavirusla bağlı vəziyyətin pisləşməsi və şəhərin epidemioloji vəziyyətin orta riskli (“sarı zona”) zonasına daxil olması ilə əlaqədar karantin məhdudiyyətləri tətbiq edib.

Turaz.org xəbər verir ki, bu barədə iyulun 21-də Nur-Sultan şəhərinin baş dövlət sanitar həkimi Sərxat Beysenova müvafiq qərar imzalayıb.

“Beş yaşınadək uşaqlar istisna olmaqla, insanların sıx toplaşdığı yerlərə (avtovağzallar, ticarət və əyləncə mərkəzləri, ticarət evləri, qapalı bazarlar, konsert salonları, teatrlar, kinoteatrlar, əhaliyə xidmət mərkəzləri, banklar, stadionlar və digər idman obyektləri) səfərlər zamanı, habelə şəhər ictimai nəqliyyatında səyahət edərkən tibbi maskaların taxılması tövsiyə edilsin”-deyə, sənəddə qeyd olunur.

Bundan əlavə, sanitar həkim 10-dan çox insanın iştirak etdiyi görüşləri uzaq formata keçirməyi tövsiyə edir. Təşkilat rəhbərləri hamilə qadınların, koronavirusa qarşı peyvənd üçün mütləq əks göstərişi olan işçilərin, habelə COVID-19-a yoluxmuş şəxslərlə təmasda olan şəxslərin distant iş formatına keçirilməsini təmin etməlidirlər. Təhsil təşkilatlarına qrupların və siniflərin birləşməsi ilə tədbirlərin keçirilməsini istisna etmək tövsiyə olunur.

Nur-Sultan administrasiyasının məlumatına görə, paytaxtda koronavirusun “omikron” və “stels-omikron” ştammları üstünlük təşkil edir, hər gün 640-a yaxın yeni yoluxma halı aşkarlanır.

Müxbir: Əzizə Əlizadə

Translate »