May 23, 2022

Qırğızıstan Qazaxıstana nota verib

 

Qırğızıstan hakimiyyəti Bişkekdəki Qazaxıstan səfirliyinə etiraz notası göndərib.

Turaz.org xəbər verir ki, bu barədə “Sputnik Qırğızıstan” məlumat yayıb.

Notaya səbəb məşhur qırğız musiqiçi Vikram Ruzaxunovun bu ölkənin hakimiyyət orqanları tərəfindən saxlanmasıdır.

Ruzaxunov Qazax polisi tərəfindən döyülmüş və işgəncə verilirək güya Qırğızıstandan pul alaraq Qazaxıstanda iğtişaşlar törətməyə gəldiyini qəbul edib.

Bu yalan xəbəri yayınlayan Qazaxıstan Dövlət TV-sı Qazax Təhlükəsizlik orqanlarının yalanını bilməyərək ifşa edib.

Buna etiraz olaraq Bişkek sakinləri Qazaxıstan səfirliyi qarşısında aksiya keçiriblər. Onlar Qazaxıstan hakimiyyətindən qırğız musiqıçinin azadlığa buraxılmasını tələb ediblər.

Mitinqdə Milli Təhlükəsizlik Komitəsinin rəhbəri Kamçıbek Taşiyev iştirak edib.

Ruzaxunovun saxlanmasına Qırğızıstan Daxili İşlər Nazirliyi (DİN) də münasibət bildirib. Şöbə musiqiçinin tez-tez Almatıya qastrol səfərinə getdiyini və Yeni il ərəfəsində bu şəhərə dəvət edildiyini bildirib. Ruzaxunov dekabrın 16-da bilet alıb və yanvarın 2-də saat 20:00-da yola düşüb.

Müxbir: Əzizə Əlizadə

Translate »