Noyabr 29, 2022

Qırğızıstan Xarici İşlər nazirinin müavini Kanadanın Qırğızıstandakı səfiri ilə görüşüb

Qırğızıstan Xarici İşlər nazirinin müavini Aybek Moldoqaziyev Kanadanın Qırğızıstandakı səfiri Alan Hemson ilə görüşüb.

Turaz.org  Qırğızıstan Xarici İşlər nazirliyinin mətbuat xidmətinə istinadən bildirir ki, iclas zamanı iki ölkə arasında ticarət, iqtisadi, mədəni və humanitar əməkdaşlıq məsələləri müzakirə edilib.
Tərəflər ikitərəfli əməkdaşlığın reallaşdırılmamış potensialının mövcudluğunu qeyd edərək, iqtisadi xarakterli layihələrin təşviqi və iqlim dəyişikliyi ilə mübarizə sahəsində konkret işlərin görülməsi barədə razılığa gəliblər.
Kanadanın səfiri Hemson Qırğızıstan-Kanada əməkdaşlığının mədəni-humanitar sahədə intensivləşdirilməsi çərçivəsində Qırğızıstan və Kanada ali təhsil müəssisələrinin tələbələri arasında mübadilə təşkil etməyi təklif edib.
Nazir müavini Moldoqaziyev Kanada səfirini Tacikistanın Qırğızıstana qarşı son hərbi təcavüzü barədə məlumatlandırıb. O, Tacikistan tərəfinin hərbi əməliyyatları barədə ətraflı məlumat verib, Qırğızıstan tərəfinin hər zaman sərhəd münaqişələrinin sülh yolu ilə həllinin tərəfdarı olduğunu vurğulayıb.
Görüş zamanı Qırğızıstan Respublikası vətəndaşları üçün viza müraciətlərinə baxılması prosedurunun sadələşdirilməsi məsələləri də müzakirə olunub.
Müxbir:Aytac Cəfərova
Tərcüməçi:Nigar Yusubova

Translate »