Oktyabr 5, 2022

Reabilitasiya vasitələri əlilliyi olan şəxslərə yaşadıqlara rayonlara aparılaraq verildi

Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzi səyyar xidmətlərini Salyan, Neftçala, Kürdəmir, Ucar, Göyçay, Ağsu, Şamaxı, Qobustan rayonlarında davam etdirib.

TurAz xəbər verir ki, 8 rayon üzrə 178 nəfər əlilliyi olan şəxsə ehtiyac duyduqları 868 reabilitasiya vasitəsi mərkəzin əməkdaşları tərəfindən həmin rayonlara aparılaraq verilib.

Bir sıra əlilliyi olan şəxslərin isə müraciətləri əsasında yaxın günlərdə reabilitasiya vasitələri ilə təmin edilmələri üçün onların müayinələri aparılıb və onlardan müvafiq ölçülər götürülüb.

Əlilliyi olan şəxslər qayğı ilə əhatə olunduqlarından, həmçinin ehtiyac duyduqları reabilitasiya vasitələri ilə təmin edildiklərindən, bu sahədə xidmətlərdən razılıqlarını bildiriblər. Onlar həssas əhali qruplarına göstərilən diqqət və qayğıya görə Prezident İlham Əliyevə minnətdarlıqlarını ifadə ediblər.

Ümumilikdə bu ilin ötən dövründə respublikamızın müxtəlif bölgələri üzrə 850-yə yaxın əlilliyi olan şəxsə səyyar formada xidmətlər göstərilib. Ehtiyac duyduqları 2868 reabilitasiya vasitəsi yaşadıqları rayon və şəhərlərə, bir qisminə evlərinə aparılaraq təqdim edilib.

Mənbə:azertag.az

Müxbir : TurAz.org xüsusi müxbiri Məmmədova Zöhrə

Həmçinin bax : https://azertag.az/xeber/Tokio_uzerinde_odlu_daire_musahide_edilib-1566839

https://kafkazh.com/yeniyetmelerin-qrup-aqressiyasi-ve-onlarin-qarsisinin-alinmasi-usullari/

Translate »