İyul 1, 2022

Sabah üç rayonun qaz təchizatında fasilə yaranacaq

 

“Qaz İxrac” İdarəsinə məxsus “Azadkənd-İmişli” magistral qaz kəmərində əmələ gəlmiş güclü sızmanın qarşısının alınması məqsədi ilə sabah saat 11:00-dan etibarən təmir işlərinə başlanılacaq.

Turaz.org xəbər verir ki, bu barədə Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.

Bildirilib ki, təmir işləri başa çatanadək İmişli rayonunun tam olaraq, Saatlı və Sabirabad rayonlarının isə bir hissəsinin qaz təchizatında fasilə yaranacaq.

“Qaz təchizatının bərpası günün ikinci yarısı saat 17:00-dək planlaşdırılır”, – məlumatda deyilir

Müxbir: Əzizə Əlizadə

Translate »