Noyabr 29, 2022
Qırğııstan Tacikistan əlaqələri

 Tacikistan Qırğızıstana qarşı silahlı təcavüzdə günahını etiraf etmir

 

Qırğızıstan Respublikasının Xarici İşlər Nazirliyinin mətbuat xidmətindən bildirilib ki, Qırğızıstan nümayəndə heyəti 24 sentyabr 2022-ci il tarixində Tacikistan nümayəndə heyətinin Tacikistan tərəfinin hər şeyi əlverişli şəkildə təqdim etdiyi bəyanatına cavab vermək hüququndan istifadə edib.

Turaz.org  bəyanatı təqdim edir: “Tacikistanın ölkəmizə qarşı silahlı təcavüzə səbəb olduğunu etiraf etməməsi və bütün günahı bizim üzərimizə atmağa cəhd edəcəyi əvvəlcədən bizə məlum idi. Qırğızıstan tərəfi qeyd edib ki, bu il sentyabrın 14-dən 17-dək baş vermiş münaqişə Tacikistanın Qırğızıstana qarşı əvvəlcədən planlaşdırılmış hərbi təcavüzüdür. Tacikistan BMT Nizamnaməsində və digər beynəlxalq sənədlərdə təsbit olunmuş ərazi bütövlüyü, sərhədlərin toxunulmazlığı, mübahisələrin sülh yolu ilə həlli, güc tətbiq etməmək və ya güc tətbiq etməklə hədələməmək, insan hüquq və azadlıqlarına riayət etmək kimi əsas beynəlxalq prinsipləri pozub.

Silahlı qüvvələrdən və ağır hərbi texnikadan istifadə etməklə Tacikistanın əsassız təcavüzü nəticəsində 62 Qırğızıstan vətəndaşı həyatını itirib, 13-ü uşaq, 14-ü qadın və 171-i kişi olmaqla 200-ə yaxın insan yaralanıb. 140 min insan daimi yaşayış yerlərindən təxliyə edilərək məcburi köçkün vəziyyətinə düşüb. Bu baxımdan, Qırğızıstan tərəfi hesab edir ki, Tacikistanın Qırğızıstana qarşı əsassız ittihamları məsuliyyəti və təqsiri Qırğızıstanın üzərinə atmaq cəhdi nümunəsidir.

Tacikistan tərəfi Qırğızıstan Respublikasının müdafiə hərəkətlərini gözdən salmaq üçün beynəlxalq ictimaiyyətə dezinformasiya kampaniyasına başlayıb. Qırğızıstanda tacik hərbçilərinin Qırğızıstan Respublikası ərazisində təcavüz və cinayətlərinin başlanmasına dair çox saylı foto və video sübutlar var. Qırğızıstan Respublikasının Tacikistana məxsus torpaqları özbaşına zəbt etməsi ilə bağlı məlumatlar da qonşu ölkə tərəfindən yayılan dezinformasiyanın tərkib hissəsidir. Qonşularımızdan fərqli olaraq, biz heç vaxt özümüzə yad əraziləri zəbt etməyi qarşımıza məqsəd qoymamışıq, amma torpağımızın bir santimetrini də heç kimə vermərik.

Tacikistan tərəfinin Qırğızıstanın öz qoşunlarını və hərbi texnikasını məskunlaşan ərazilərdə gizlətməsinin bildirməsi yalnız aldadıcı məqsəd daşıyır. Bu baxımdan, gələcəkdə sərhəddə yarana biləcək gərginliyin məsuliyyəti yalnız Tacikistanın üzərinə düşəcək. Tacikistanın ikinci təcavüzünə baxmayaraq, Qırğızıstan əmindir ki, bütün sərhəd və daxili məsələlər danışıqlar masası arxasında həll olunmalıdır və Qırğızıstan tərəfində belə bir iradə və hazırlıq var.”

Translate »