“TikTok” Rusiyada fəaliyyətini dayandırıb

Çinin “TikTok” sosial şəbəkəsi Rusiyada fəaliyyətini dayandırmaq qərarına gəlib.

Turaz.org xəbər verir ki, sosial şəbəkə bu barədə tviter hesabında məlumat yayıb. Qeyd edilir ki, “TikTok” Rusiyanın yalan xəbərlərlə bağlı yeni qanuna görə fəaliyyətini dayandırıb.

Sosial şəbəkə indi istifadəçilərə Rusiyada paylaşım etməyə icazə vermir.

Şirkətdən bildirillib ki, Rusiyanın yalan xəbərlələ bağlı yeni qanununun qəbulunun təhlükəsizliklə bağlı təsirlərini nəzərdən keçirərkən canlı yayımı və video xidmət üçün yeni məzmunu dayandırmaqdan başqa seçim yoxdur. “Bizim tətbiqdaxili mesajlaşma xidmətimiz pozulmayacaq”, – şirkətin xəbərdə deyilir.

Şirkət həmçinin əlavə edib ki, xidmətlərin nə vaxt tam bərpa olunacağını müəyyən etmək üçün Rusiyadakı vəziyyəti qiymətləndirməyə davam etdirir.

Müxbir: Əzizə Əlizadə