Fevral 3, 2023

Türkiyə-Qırğızıstan Parlamentlərarası Dostluq Qrupunun sədri TDT-nın baş katibinə nəzakət səfəri edib

Türkiyə Böyük Millət Məclisinin üzvü, Türkiyə-Qırğızıstan Parlamentlərarası Dostluq Qrupunun sədri Sabri Öztürk 1 dekabr 2022-ci il tarixində İstanbuldakı OTS Katibliyində Türk Dövlətləri Təşkilatının Baş katibi səfir Kubanıçbek Omurəliyevə səfər etmişdir.

Turaz.org xəbər verir ki, iclasda millət vəkili Sabri Öztürk 11 noyabr 2022-ci il tarixində Səmərqənddə keçirilən TDT Sammitində dövlət başçıları tərəfindən təşkilatın baş katibi vəzifəsinə təyin olunması münasibətilə Ömürəliyevi təbrik edib və ona səlahiyyət müddətində uğurlar arzulayıb.

Öztürk baş katibin Türkiyə-Qırğızıstan münasibətlərinə verdiyi töhfələrə, xüsusilə iki qardaş ölkənin parlamentləri arasında əməkdaşlığın genişləndirilməsinə, o cümlədən Qırğızıstan Respublikasının Ankaradakı səfiri vəzifəsində çalışarkən Türkiyə-Qırğızıstan Parlamentlərarası Dostluq Qrupunun fəaliyyətinə verdiyi dəstəyə görə yüksək qiymətləndirib.

Baş katib Öztürkə təşəkkür edib və səfərə görə minnətdarlığını bildirib.

Müxbir: Aytac Cəfərova

Tərcüməçi: Günay Xankişiyeva

Həmçinin bax: https://turaz.org/almatanin-simal-qerbinde-4-3-bal-gucunde-zelzele-bas-verib/

Translate »