Türkmən nümayəndələr əqli mülkiyyət hüququ ilə bağlı çıxış ediblər

Türkmənistan nümayəndələri əqli mülkiyyət hüquqlarının müdafiəsi ilə bağlı mətbuat konfransında iştirak edib.

 

Turaz.org xəbər verir ki, Türkmənistanın nümayəndələri Avrasiya Patent Təşkilatının İnzibati Şurasının TASS-ın mətbuat mərkəzində onlayn formatda keçirilmiş aprel iclasından sonra keçirilən mətbuat konfransında iştirak ediblər.

 

“Türkmənistan: Qızıl əsr” nəşrinin məlumatına görə, Avrasiya Patent Təşkilatına üzv dövlətlərin: Azərbaycan Respublikası, Ermənistan Respublikası, Belarus Respublikası, Qırğızıstan Respublikası, Rusiya Federasiyasının təşkilat rəhbərləri və Tacikistan Respublikası və Türkmənistan patent idarələrinin rəhbərləri tədbirdə iştirak etmişdir. Onlar əqli hüquqların müdafiəsi üzrə regional sistemin işinin nəticələri, milli patent idarələrinin fəaliyyəti və Avrasiya Patent Təşkilatının inkişaf perspektivlərindən danışıblar.

 

Türkmənistan 1995-ci il avqustun 12-dən Avrasiya Patent Konvensiyasının iştirakçısıdır. Türkmənistanın Maliyyə və İqtisadiyyat Nazirliyinin Əqli Mülkiyyət üzrə Dövlət Xidməti əqli mülkiyyətin hüquqi mühafizəsi sahəsində ixtisaslaşmış bölmədir.

 

Əqli mülkiyyətin qorunması üçün qanunvericilik bazasını Türkmənistanın Konstitusiyası, Mülki Məcəlləsi və “Sənaye nümunələrinin hüquqi müdafiəsi haqqında”, “Əmtəə nişanları haqqında”, “Apellyasiya haqqında”, Elektron kompüterlər üçün alqoritmlərin, proqramların, verilənlər bazası və inteqral sxemlərin topologiyalarının hüquqi mühafizəsi haqqında”, “Seleksiya nailiyyətlərinin hüquqi müdafiəsi haqqında”, “Müəlliflik hüququ və əlaqəli hüquqlar haqqında” qanunları təşkil edir.

 

Dövlət qulluğunun mütəxəssisləri ərizələrin qəbulu və baxılması, qərarların və sənədlərin mühafizəsinin verilməsi, patent və əmtəə nişanlarına hüquqların ötürülməsinə dair lisenziya müqavilələrinin mühafizə olunan əqli mülkiyyət obyektlərinin dövlət reyestrində qeydiyyata alınması, sənədlərdə dəyişikliklər edilməsi, onların sahiblərinin adı və ünvanı, habelə verilmiş sənədlərin mühafizəsi, onların sahibinin hüquqi statusunda dəyişikliklər, qeydə alınmış müqavilələr, ləğv edilmiş sənədlərin mühafizəsi və s. haqqında məlumatların rəsmi bülletenlərdə dərc edilməsi kimi fəaliyyətləri həyata keçirirlər.

 

Rəqəmsal transformasiya dövründə əqli mülkiyyət (ixtiralar, sənaye nümunələri və digər obyektlər üçün patentlər) ən mühüm iqtisadi aktivlərdən birinə, ən mühüm inkişaf resursuna və yeni bazarlara daxil olarkən öz hüquqlarının müdafiəsi vasitəsinə çevrilir.

 

Həmçinin Avrasiya Patent İdarəsi tərəfindən idarə olunan Əqli Mülkiyyət Hüquqlarının Müdafiəsi üzrə regional sistem vahid Avrasiya patentindən istifadə etməklə eyni anda səkkiz dövlətdə maraqlarınızı tez, rahat və sərfəli şəkildə qorumağa imkan verir.

 

Tərcüməçi Həmidə İskəndərova

Həmçinin bax: turaz.org/ozbekistanda-ehalinin-sixliginda-artim-musahide-edilib/

Həmçinin bax: tehsilim.org/bdu-ve-pasa-heyat-sigorta-arasinda-emekdasliq-sazisi-imzalanib/