Dekabr 8, 2021

Ukrayna Azərbaycan ilə birgə neft daşınması üzrə yeni imkanları öyrənəcək

 

Ukrayna və Gürcüstan Avrasiya neft dəhlizi layihəsi çərçivəsində əməkdaşlığı gücləndirmək haqqında razılığa gəlib.

Turaz.org Ukraynanın Energetika Nazirliyinə istinadən xəbər verir ki, bu, İqtisadi Əməkdaşlıq üzrə Gürcüstan-Ukrayna Hökumətlərarası Birgə Komissiyasının X iclasından sonra məlum olub.

Bildirilib ki, qaz bazarındakı mövcud vəziyyət fonunda enerji resurslarının tədarükünün şaxələndirilməsi çox vacibdir.

“Gürcüstan, Polşa və Azərbaycan ilə birgə neft daşınması infrastrukturuna yüklənmənin artırılması imkanlarını öyrənəcək və LNG layihələrinin həyata keçirilməsi perspektivlərini araşdıracağıq”, – energetika nazirinin avrointeqrasiya məsələləri üzrə müavini Yaroslav Demçenko deyib.

Müxbir: Əzizə Əlizadə

Translate »