May 17, 2022

Ukrayna MN rəsmisi: “Xerson bu gün nəzarətimiz altına keçə bilər”

 

Rusiyanın ələ keçirdiyi Xerson şəhəri bu gün Ukrayna Silahlı Qüvvələrinin nəzarəti altına keçə bilər.

 

Turaz.org xəbər verir ki, bu barədə Ukrayna müdafiə naziri Oleksiy Reznikovun müşaviri Markian Lubkivski “BBC Radio 4”un efirində danışıb.

 

“İnanıram ki, bu gün şəhər tamamilə Ukrayna Silahlı Qüvvələrinin nəzarəti altında olacaq.

 

M.Lubkivski əlavə edib ki, Ukrayna Ordusu son iki gündə Kiyev vilayətində əməliyyatı başa çatdırıb:

 

“Buna görə də silahlı qüvvələrin digər hissəsi hazırda ölkənin cənub bölgəsində cəmlənib, onlar Xersonu və bəzi digər şəhərləri geri almağa çalışırlar”, – Ukrayna müdafiə nazirinin müşaviri bildirib.

 

Qeyd edək ki, martın 2-də Rusiya Müdafiə Nazirliyi Xerson şəhərini ələ keçirdiyini açıqlamışdı. Bununla belə, şəhərdə Rusiya hərbçilərinin əleyhinə mütəmadi şəkildə mitinqlər keçirilir.

 

Müxbir: Əzizə Əlizadə

Həmçinin bax: tehsilim.org/turk-xalqlarinda-novruz-enenlri-seminari-kecirilecek/

Həmçinin bax: turaz.org/bayden-ukraynada-bas-verenler-xxi-esri-deyisdirecek/

Translate »