May 23, 2022

Ukrayna və Rusiya arasında gərginlik pik həddə çatıb

Son aylarda Rusiya və Ukrayna sərhədində artan gərginlik davam etdiyi halda, Ukraynanın şərqində Donbas vilayətində Rusiya seperatçıları ilə Ukrayna qüvvələri arasında münaqişə yenidən şiddətlənir.

Turaz.org xəbər verir ki, tərəflər bir-birlərini atəşkəs müqaviləsini pozaraq ağır silahlarla hücum etməkdə günahlandırıb.

Ukrayna ordusu Rusiyanın dəstəklədiyi qüvvələrin Luqansk vilayətində bir kəndi minaatanlardan atəşə tutduğunu və kənddəki uşaq bağçasını vurduğunu bildirib. Ordu hadisə nəticəsində xəsarət alan olmadığını bildirib.

Şahidlər Donetsk vilayətində hava limanında və Elenovka kəndində atəş səsləri eşitdiklərini bildirib.

Donbas vilayətində Rusiyadan dəstək alan üsyançılar hökümət qüvvələrini son 24 saatda dörd dəfə atəş etməkdə günahlandırmış, baş verən hadisələrdə ölən və ya yaralananların olub-olmadığını bildirməyə çalışdıqlarını bildirmişdilər. Ukrayna hökümət qüvvələri isə üsyançıları nişan aldıqları ilə bağlı iddiaları rədd ediblər.

2014-cu ildə Krımın Rusiyaya ilhaq edilməsindən sonra Donbas vilayətindən Rusiya tərəfdarları ilə Ukrayna qüvvələri arasında baş verən münaqişədə minlərlə insan həyatını itirmişdir.

Keçən ilin sonlarından Ukrayna sərhədinə qoşun toplayaraq diqqət çəkən Rusiya təlimlər bitdikdən sonra sərhəddəki qoşunlarını geri çəkməyə başladığını bildirib.

Translate »